Use unjaan raston se guzar jane ki khuwahish thi
Mohabbat mein amar hone ki mar jane ki khuwahish thi
Who kehta tha ye jeewan tairagi hy
Or hamain is tairagi mein roshni ke rang bharne ki khuwahish thi
Ye hum ko mukhtasir se jo chand lamhe muyaser hain
Yahi lamhe hmain mohabbat se hamain aabaad karne hain
Kisi ko door se hi dekhna hy
Or kisi se baat karni hy
Jahan par din guzar jaey
Wahin pe raat krni hy
Who kehta tha mohabbat ka koi mausam nahi hota
Ye her mausam ka jazba hy kabhi jo kam nahi hota
Udhoori si mohabbat hy hamain takmeel karni hy
Haseen logon ke her aik hukm ki tameel karni hy
Zindagi ko naey dhab se basar karne ki khuwahish use shab bhar jagati thi
Najane kon si khuwahish use her pall rulati thi
Shanasa tha par her ek se both anjaan rehta tha
Bohat aabaad tha lekin bohat veeran rehta tha
Use her shaks ko hairann kar jane ki khuwahish thi
MOHABBAT MEIN AMAR HONE KI MAR JANE KI KHUWAHISH THI ….