kuch bhi to naheen wesa
jesa tujhe socha tha
jitna tujhe chaha tha,
socha tha tere lab par
kuch harf duaaon ke
kuch phool wafaaon ke
mehkain ge meri khatir
kuch bhi to naheen wesa
jesa tujhe socha tha,
mehsoos yeh hota hai
dukh jhele the jo ab tak
benaam musaafat main
likhne ki muhabat main
parhne ki zaroorat main
besood reyaazat thi
befaiz ibaadat thi
jo khawaab bhi dekhe the
in jaagti aankhon ne
sab khaam khayaali thi
phir bhi tujhe paane ki
dil ke kissi goshe main
khawaaish to bacha li thi
lekin tujhe pa kar bhi
or khud ko ganwa kar bhi
is habas ke mosam ki khirki se hawa aayi
na phool se khushboo ki koyi bhi sada aayi
ab neend hai aankhon main
naa dil main wo pehli si taaza sukhan aaraayi
naa lafaz mere nikle
naa harf_o_muaani ki daanash mere kaam aayi
naadeeda rafaaqat main
jitni bhi azeeyat thi
sab mere hi naam aayi
kuch bhi to naheen wesa
jesa tujhe socha tha
jitna tujhe chaha tha.

Suno......!
Suno December usay pukaro
Suno December usay mila do
Ab is sai pehlay keh saal guzray
Ab is sai pehlay keh jaan niklay
Wo hi sitara meri lakeeron main qaaid kar do'
Is aakhri shab kai aakhri pal koi bara ikhtitaam kar do
Ye zindagi bhee tamaam kar do....
Suno December usay bula do...!!

Hey, thanks for encouragment . Really its like getting endorsement by Top Gun

AaGaz hai abhi ye anjaam nahi hai...
Mayusiyon ka iz dil me koi kaam nahi hai...
Pehchan na sake woh hazaron ki bheer men....
Itna bhi to ajeeb mera naam nahi hai....
Jo usko hai dia woh mujhe kyon na mil saka....
Shikwa hai zindaGi se ye ilzaam nahi hai...
Roshan na kar sake jise hadd-e-inteha....
Aisa to is jahan me koi kaam nahi hai...

Yeh sheeshay yeh sapnay, yeh rishtay yeh dhagay
Kisay kiya khabar hei kahan toot jaaein
Mohabbat kay dariya mein tinkey wafa key
Najaney yeh kis mor par doob jaaein
Ajab dil ki waadi ajab dil ki basti
har ik mor mousam nayee khawahishon ka
lagaye hein hum ne bhi sapnon ke poday
magar kiya bharosa yahan baarishon ka
muradon ki manzil key sapnon mein khoyay
mohabbat ki raahon peh hum chal pare thay
zara door chal kar jab aankhein khuli to
karee dhoop mein hum akalay kjarey thay
Jinhein dil sey chaha, jinhein dil sey pooja
Nazar aa rahey hein wohi ajnabee say
Rawayat hei shayad yeh sadiyon purani
shikaya nahin hei koi zindagi say
Yeh sheeshay yeh sapnay, yeh rishtay yeh dhagay
Kisay kiya khabar hei kahan toot jaaein