words to think on

[Mizha]

(read the poem till end)

TERI AANKHON KI KASAM

teri aankhon ki kasam
men tera hon,meri jan
or kisi ka nahi
apna bhi nahi
men tera hon .
teri qurbat... teri aankhon ki kasam,
meri nazron men,
do aalam ki her ik mumkina rahat se
sawa he janan.
kis ko maaloom
k tujh ko bhi ye maaloom nahi he k
tere qoorb ka ik lamha mere wastay
kia he janan..
main jahan bhi hon
meri zaat ka mazher tu he.
mere her lamha, tanhai ka mehver tu he.
mujh se bahir hon mein khud to
mere ander tu he.
aey meri jaan
meri khuahish to yahi he
k na men tujh se kabhi door rahon.
pe ba pe hijer k zakhmon se na yoon choor rahon
aey meri jaan meri hasrat to yahi he
k men taa-omer tere qoorb men masroor rahon.
vasal men makhmoor rahon.
omer bher bun k teri maang ka sindoor rahon.
he tamanna to yahi meri
k her pal tu mere sath rahy.
mere hathon men tera hath rahy.
mujh pe kuch omr-e-gurezaan k kuch qerz hen.
wo qerz chuka loon to tere paas aaon.
shummain tareek gheron ki main jala loon, to tere paas aaon.
dast-e-saffak se, men gerdan-e-mazloom chura loon, to tere paas aaon.
jis ki mehnat se hari kokh zameen ki he mager,
jiskey chehray pe sada bhook likha rehta he.
sunn....!
wo chup reh k bhi kia kehta he.
wo chalata he jo kargah-e-zeest ko,
lekin phir bhi,
jiski mehnat ka sila kuch bhi nahi.
zindagi jis k lie jabr-e-musalsal k siwa kuch bhi nahi.
begunahi ki sazaon k azaabon k tasalsal k siwa kuch bhi nahi.
men lutairon se ose chheen k haq oska,
dila doon to tere paas aaon.
maqtal-e-ishq main kutnay ki khaber aati he jiski,
wo her ik ism mera ism mujhy lagta he!
aatish-e-furqat-e-mehboob men jalta hua her jism ,
mera jism mujhy lagta he.
aatish-e-jabr-e-musalsal ko bujha lon to tere paas aaon.
izzatain, asmatain lutt ti hui bazaron men,
kuchlay hue tabkon ki,
bacha loon to tere paas aaon.
bhook se rotay, bilaktay hue,mertay hue bachon ko,
main maas apna khila loon to tere paas aaon.
men zamanay se her ik zulm mita loon to tere paas aaon.
is se pehlay, teri aankhon ki kasam,
jin main her dam meri jaan mere lie,
jaltay rehtay hen mohabbat k diay,
sherm aati he tere qurb men aatay mujh ko.
aankh in talkh haqaik se churatay mujh ko.
pias piason men bujhatay mujh ko.
sherm aati he, meri jaan,
teri aankhon ki kasam,
dil ki aawaaz dabatay mujh ko.
wada-e-zinda zameeri ko bhulatay mujh ko.
waqt per peeth dikhtay mujh ko.
sherm aati he,meri jaan,
teri aankhon ki kasam,
ese main aankh tujh se bhi milatay mujh ko!