#1
|
||||
|
||||
Iltemaas
Yehi gar zid tumhaari hey
Chalo hum bhool jaatey hain! Sabhi waadey, sabhi qasmain Mohabbat ki sabhi rasmain Nahi, manzoor jo tum ko Karain ranjoor jo tum ko Tumhaari shaad-maani hi, azeez-az-jaan hey jab to Tumhain phir tokna kesa? Zyaan, sood ki baabat, bhala phir sochna kaesa Chalo hum bhool jaatey hain..! Mohabbat ki riyazat main Wafaaon ki musaafat main Qadam kis ke kahaan behkey, hui kis sey kahaan larzish Basaa di jis ney ik pal main, humaari aankhon main baarish Ke jis ki tez boondon ney Kisi tezaab ki soorat Nishaan-e-manzil-e-dil hi, jala dala mita dala Magar jaanan Kahaan aasan hota hey? Jigar ka khoon ashkon mein, badalna aur bahaa dena Khas-o-khashaak chun chun kar Gharonda ik banana aur…ussi ko phir jala dena Jawaan sapnon ki laashon ko Daroon-e-jaan chuhpaa kar…muskura dena Khizaa'ein paalna khud mein, bahaar'ein baant'tey phirna Kahaan aasaan hota hey..? Buhat mumkin hey hum bhi haar hi jaaein Jawaan hey zabt jo ab tak Muqaabil ghum ke aaey..aur Dhaey jaaey Aur iss mein bhii taa’ajub kiyaa? Tumhaarey lout aaney ki..bachi ho aas jo koi Nawaaey be-zubaat ban kar Sisak kar phir sey utthey aur..tum tak bhi puhanch jaaey So tum sey ye guzaarish hey Tab ik ehsaan tum karna Palat kar dekhna yuun sard nazron sey Ke jo bhii aas zinda ho.. Ussey yak-sar mita dena Humein pathar bana dena |
The Following 9 Users Say Thank You to Last Island For This Useful Post: | ||
Ali Ahmad Syed (Friday, November 25, 2011), Arain007 (Saturday, November 26, 2011), Faisal86 (Saturday, November 26, 2011), Farrah Zafar (Friday, November 25, 2011), Muhammad T S Awan (Saturday, November 26, 2011), prestigious (Saturday, November 26, 2011), Taimoor Gondal (Saturday, November 26, 2011), unsolved_Mystery (Saturday, November 26, 2011), Xeric (Saturday, November 26, 2011) |
|
|