#1
|
||||
|
||||
Aawaargi ..
Ye dil ye paagal dil mera, kyun bujh gaya, Aawaragi Iss dasht mein ik shehar tha wo kya hua, Aawaragi .. Kal shab mujhay be-shakal si aawaz ne chaunka diya Main ne kaha tuu kon hai, Uss ne kaha Aawaragi .. Ik tuu k sadiyon se meray hamraah bhi, hamraaz bhi Ik main k teray naam sa na-aashna, Aawaragi .. Ye dard ki tanhaiiyan ye dasht ka weeraan safar Hum log to uktaa gaye, Apni suna Aawaragi .. ? Logo bhala uss shehar mein kaisay jiyen ge hum Jahan ho jurm tanhaa sochna, lekin sazaa Awaargi .. Ik ajnabi jhonkay ne jab poocha meray gham ka sabab Sehra ki tapti rait per main ne likha Aawaragi .. Lay ab to dasht e shab ki saari wussatain sonay lagin Ab jaagna hoga hamain kab tak bataa, Aawaragi .. ? Kal raat tanha chaand ko dekha tha main ne khawaab mein Mohsin mujhay raas aayegi shaayed sadaa, Aawaragi .. !! Mohsin Naqwi .. |
The Following User Says Thank You to Stunner For This Useful Post: | ||
aisha khushbakht (Tuesday, July 30, 2013) |
|
|