#1
|
||||
|
||||
Jaraa'im
Zindagi ke jitne darwaaze hain mujh par band hain
Dekhna....had-e-nazar se aagey barh kar dekhna bhi jurm hai Sochna....apne aqeedon aur yaqeenon se nikal kar sochna bhi jurm hai Aasman dar Aasman asraar ki parten hata kar jhankna bhi jurm hai "Kyun" bhi kehna jurm hai.... "Kaisey" bhi kehna jurm hai!!!! Saans lene ki to aazadi mayassar hai ... magar Zinda rehne ke liye Insan ko kuch aur bhi darkar hai Aur is "kuch aur bhi" ka tazkira bhi jurm hai !!!! Ae hunar mandaan-e-aa'een-o-siaasat Ae khuda-wandaan-e-aewaan-e-aqaa'id Zindagi ke naam par bas ik inayat chahiye Mujh ko in saray jaraa'im ki ijazat chahiye!!!! Ahmed Nadeem Qasmi |
The Following 6 Users Say Thank You to Last Island For This Useful Post: | ||
Arain007 (Saturday, December 01, 2012), courageneverdies (Saturday, December 01, 2012), nightmare2011 (Saturday, December 01, 2012), Shooting Star (Sunday, December 02, 2012), Taimoor Gondal (Saturday, December 01, 2012), Tassawur (Saturday, December 01, 2012) |
|
|