|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Tasalsul toot jayega......!!!
Na chairo khilti kilyon hanste phoolon ko
In udti titliyon aawarah bhanwron ko Tasalsul toot jayega Fiza mah'way sama'at hai Hasin hoton ko naghmazair rahne do Nigahen nichi rakho aur mujassam gosh ho jao Agar jumbish labon ko di Tasalsul toot jayega Hawa se pattiyan sargoshiyon me mahaw hain Aur jhumti shakhon ke jhoolon main Parindon ki chahak se sara sahil Sarmadi ahsaas me dooba hua Sarshaar o shaadan hai Agar kankar bhi sath-e-aab par mara Tasalsul toot jayega Ufaq me doobte suraj ka manzar Is bulandi se zara dekho Isi rangeen kinare par Shafaq sona lutayegi Yunhi tum behis-o saakit raho Aise me palak bhi zara jhapki Tasalsul toot jayega Woh khwabidah hai khwabidah hi rahne do Na jaane khwab me kin waadiyon ki sair karti ho Bulandi se phisalte aabsharon me kahin gum ho Falak -asaar choti par kahin mah'way tarannum ho Agar aawaz di tum ne Tasalsul toot jayega Main shaayer hoon Meri fikr-e-rasaa ehsas ke us satah par hai Jismen khushboo rang bharti hai Sada ko shakl milti hai Tasawwur bol uthta hai Khamoshi gungunati hai Yeh woh waqfa hai ....aise mein Agar daade sukhan bhi di Tasalsul toot jayega......!!! |
|
|
Similar Threads | ||||
Thread | Thread Starter | Forum | Replies | Last Post |
♥• Toot Jate Hain •♥ | Sureshlasi | Urdu Poetry | 0 | Tuesday, August 19, 2008 03:55 PM |
Meri aankhein jisey choo lein who sapna toot jata hai. | qayym | Urdu Poetry | 0 | Sunday, February 17, 2008 07:40 AM |
Talluq toot jayega mera sarey zamaney se | Last Island | Urdu Poetry | 0 | Sunday, February 03, 2008 05:59 AM |
AAj ashkoon ka taar toot | Zirwaan Khan | Urdu Poetry | 0 | Sunday, December 23, 2007 01:56 AM |