Mere watan k piyare bachay............
Maa k dulaaray aur baap ki ankhon k taaray...
Roshan roshan ankhon walay bachay...
Kio aj tmhari ankhon mei noor nai..
Tum jo hur aan magan they sharaton aur hansnay hansaaney mei...
Tum jo hur wakt nazar atay thay idher se udher galion aur gulistaano mei...
Nai tha tmhen ik lamhey bhi tik ker bethaney ka sakoon...
Bus hota tha naye naye kaamo ka janoon...
Kio aj tmhara jism be hes o hurkat para hai....
Jin hathon mei thn kabhi kitaabein aur kalam,kabhi balla aur gaind...
Woh hath kio hen aj khoon se mozzaian...
Us maa ka kia ho ga jis ka jigar ka tukra khoon o khoon ho ker mitti mei so gya....
Kis ko bna ker da gi woh subha ka nashta...
Kis ki uniform dhoye gi school k liye...
Jb school janey wala he na raha...
kaise nahaney ka kahe ge ussay...
Jo khud khoon mei naha gya...
Kaise soye ge raat ko jub us ka masoom chehra aur hath...
Yukdum aa jayein gei us ko yaad...
Aey dushmano!woh masoom ankhein kahin door se tum se aik masoom sa shikwa kr rahe hen...
Woh yeh nai kahtin k hmein hmaray bastay chahyen,kitabein chahyen,balla aur gaind chahye,cycle chahye...
Woh tu bus yeh pochti hen k...
" Aakhir hum nei kiya kya hai,hmara kasoor tu btao jo hum se zindagi he cheen li....
Hamaray maa baap se jeenay marnay ki umang he cheen li...."
Un ankhon ko tu bus hisaab chahye...
Apne bey-noor honay ka...
Apne nannay khawab chakna choor honay ka...
Bus hisaab chahyee...apne bin khilay murjhaanay ka...
apne bin kasor saza paaney ka...
Mere watan k piyare bachey...........
Bushra Aafrin