Guzarish hai kay fidwi nay May,2010 may cssforum join kia tha or saal 2012 may css may appear hova tha. Is saal kay duswain maah may FPSC nay CSS-2012 kay written part ka natija nashr kia tha jis ki bina pur cssforum nay apnay bohut say memberaan ko css written pass qualifier kay tumghaat say nawaza tha, jis kay liay bunda-e-nacheez nay be apply kia tha pur do maah guzer gaay na koi tumgha mila na he koi sha baash . May jub be cssforum may log in hota hoon to is khushi kay saath kay shahid aj medal mila ho ga lakin ........ ansoo hain kay thumtay nahin. Phir mujhay shuk sa honay luga kay ho sukta hai kay tamghaat khatam ho gay hain. Ya phir app logon kay paas written part kay marks hoon jis ki rooh say ap nay unhi logon ko medals diay hoon jin kay written may marks acchay hain.

Aapa G may sachi kahey deeta hoon kay may nay iss forum say bohut kuch seekha hai, or may chaata hoon kay meri profile kay neechay ik neelay rung ka medal latuk raha ho jis per likha ho (Qualifier: Awarded to those members who cleared css written examination - Issue reason: CSS 2012- Roll No 13059).

Inshallah umeed hai kay aglay saal CSS Written plus Interview kay nateejay kay baad ap say Civil Servant ka be tumgha loon gha lakin tub tuk kay lia khush ho lay lenay dain (dil behlanay ko Ghalib yeh khiyaal accha hai). Ab nateejay ka tu kuch pata nahin kay kia bunta hai, ayaa koi naukri lugti be hai kay nahin lakin phir be durkhawst hai kay mujhay medal say nawaza jaay, taa kay kul ko may apnay buchoon ko bata sakoon yeh daiko Bayta tumharay Papa nay be kisi zamanay may CSS written pass kia tha.

Aaakhir may ....tum jiyo hazaaron saal saal ke din hon pachaas hazaar

Aapka mukhlis

xeesabir

CE-2012 Roll No.13059