|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Yeh baad-o-baraan ke Silsilay hain
Yeh baad-o-baraan ke Silsilay hain
Jo meri yaadon ke daftaron ko yun kholte hain Keh jaise koi hawa ka jhonka Kitab-e-dil ke safaid panne ura raha ho Ya koi shamma pighal rahi ho Aur apne ashkon ko apne daman main bhar rahi ho Yeh baad-o-baraan ke Silsilay hain Jo dil key taron ko chhairtay hain Aur in ki awaz mere kaanon main rass gholti hai Aur iss ki raftaar mujh main ehsaas-e-barq kholti hai Zehen main jaise tumhare payal ki jhankar bolti Nazar tumhare wajood-e-gul ko tamam atraaf dhundti hai Magar kahin bhi na paa saki hai Yeh baad-o-baraan ke Silsilay hain Haseen yaadon ke aainey hain Yeh un lamhon ko dhundtey hain Keh jab akaila main reh gaya tha Aur dil ke toofan-e-baad-o-baaran ko rokta tha Magar na dil ko, na aansuon ko main rok pata tha Yeh baad-o-baraan ke Silsilay hain Haseen yaadon ke aainey hain Yeh un lamhon ko dhundtey hain Keh jab tum haathon main haath de kar Aur bheegi palkon ko saaf kar ke Yeh mujh se kehti theen ke "Thairo" Abhi munasib nahin hai jana Rukey jo baarish to tab hi jana Yeh baad-o-baraan ke Silsilay hain Jo mujh se bilkul bhi aashna nahin hain Tumhari khatir hi main nay hoonton ko see liya tha Aur apni tabiyyat ko main nay yeksar badal diya tha Aur apne lehjay ko itna dheema bana liya tha Keh kahin meri zara si laghzish Tumhare dil pe garaan na guzray Yeh baad-o-baraan ke Silsilay hain Jo mere farda key faislon ko Qavi banate hi ja rahay hain Aur meri aankhon ki roshni ko Aur mere mazboot hauslon ko Badha rahay hain Agar tumhara yeh saath hoga to dekhna tum Main apne andar tumhari taaqat se Sari duniya ko jeet lunga |
|
|
Similar Threads | ||||
Thread | Thread Starter | Forum | Replies | Last Post |
Yeh Aankhen Bohat Satati Hain | sara soomro | Urdu Poetry | 0 | Wednesday, April 15, 2009 12:21 AM |
Dasht E Hijraan Mein Saya Na Sada Teray Baad | Last Island | Urdu Poetry | 0 | Wednesday, April 30, 2008 08:15 PM |
Ajab silsilay hain | Muskan Ghuman | Urdu Poetry | 1 | Saturday, September 30, 2006 10:26 PM |
shadi sy pehly or baad ma:) | aamerkhattak | Humorous, Inspirational and General Stuff | 2 | Wednesday, April 19, 2006 11:00 PM |