|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Shayari on Maan( Mother)....!!!!
Main jidhar gaya,main jahan raha
meray saath tha wohi aik saya-e-meharban woh jo aik chehra-e-abar, tha sar-e-asmaan pus-e-hur gumaan woh jo aik harf-e-yaqeen tha meray har safar ka ameen tha woh jo aik bagh-e-erum numa,sabhi mausamoon main hara raha woh ujar gaya........ woh jo aik dua ka charagh saa meray raaston main jala raha woh bikhar gaya....... meray gham ko jarr say ukharta woh jo aik lams-e-azeez tha kissi kapkapatay say haath ka,woh nahi raha woh jo ankh rahti thi jagti meray naam par wohi so gayii...... woh aik dua-e-sukoon thi meray rakht main wohi kho gayiii......... AAY KHUDA-E-WAHID-O LAM YAZAL teray aik harf kay said hain yeh zaman makan teray faislon kay huzoor main na majaal hai kissi harf ki,na kissi ko taab-e-sawal hai yeh jo zindagi ki mat'a hai teri dain hai,tera maal hai mujhay hai to itna malaal hai kay jab us ki sa'at-e-aakhri sar-e-rah thi main wahan na tha..... meray raaston say nikal gaii,woh jo aik jaa-e-panah thi main wahan na tha....... sar-e-shaam mujhay dhoondti,meri maan ki bujhti nigaah thi main wahan na tha....... meray chaar soo hai dhuan dhuan meray khwaab say meri ankh tak yeh jo sail-e-ashk hai darmayaan issi sail-e-ashk kay paar hai kaheen meri maan teray raham ki nahi had koi teray a'fw(maafi) ki nahi intiha kay to maan say barh kar shafeeq hai woh rafeeq hai kay jo saath ho to zindagi ki musaafatain yeh izziyatain,yeh rukawatain faqat aik nigah ki maar hain yeh jo khaar hain teray dast-e-mu'ajza saaz say gul-e-khush jamal-e-bahar hain meri iltija hai to bas yahi....... meri zindagi ka jo waqt hai,katay us ki ujli duaa'oon say teray durguzar kay huzoor main teri barkatoon kay hisaar main woh jo khaas chashm-e-karam main hai ussi roshni ki qatar main kissi cheez ki bhi kami nahi teri bakhshishoon kay diyaar main meri maan ki rooh-e-jameel ko sada rakhna apnay jawar main sada pur faza woh lahad rahay teray lutf-e-khaas ki chaoon main (Amjad Islam Amjad) |
The Following User Says Thank You to Anarkali For This Useful Post: | ||
Rehana kousar (Tuesday, July 24, 2007) |
|
|
Similar Threads | ||||
Thread | Thread Starter | Forum | Replies | Last Post |
People beware ! | Hurriah | Islam | 17 | Monday, January 13, 2020 09:40 AM |
Eight Lies Of Mother | qayym | Humorous, Inspirational and General Stuff | 1 | Saturday, March 22, 2008 01:39 AM |
I Owe My Mother | Sajid Manzoor Ahmed | Humorous, Inspirational and General Stuff | 0 | Sunday, July 02, 2006 01:48 AM |
HAMLET (SHAKESPEARE) Complete | Ahmad Bilal | English Literature | 0 | Wednesday, April 26, 2006 11:34 PM |