CSS Forums
Friday, May 17, 2024
04:19 AM (GMT +5)
04:19 AM (GMT +5)
|
#81
Thursday, May 29, 2008
|
||||
|
||||
jab meraa jii chaahe maiN jaaduu ke khel dikhaa saktaa huuN aaNdhii ban kar chal saktaa huuN, baadal ban kar chhaa saktaa huuN haath ke aik ishaare se paanii meN aag lagaa saktaa huuN raakh ke DheR se taazah rangoN-vaale phuul ugaa saktaa huuN itne uuNche aasmaan ke taare toR ke laa saktaa huuN merii umr to bas aise hii khel dikhaate guzrii hai apnii saaNs ke shoaloN se gulzaar khilaate guzrii hai jhuuTii sacchii baatoN ke baazaar sajaate guzrii hai patthar kii diivaaroN ko sangiit sunaate guzrii hai apne dard ko duniyaa kii nazroN se chhupaate guzrii hai Munir Niazi
__________________
No signature... 
|
|
#82
Thursday, May 29, 2008
|
||||
|
||||
|
haaye logoN kii karam-farmaaiyaaN tohmateN, badnaamiyaaN, rusvaaiyaaN zindagii shaayed isii kaa naam hai duuriyaaN, majbuuriyaaN, tanhaaiyaaN kyaa zamaane meN yuuN hii kaTtii hai raat karvateN, betaabiyaaN, angRaaiyaaN kyaa yahii hotii hai shaam-e-intizaar aahaTeN, ghabraahaTeN, parchhaiyaaN aik paikar meN simaT kar rah gayiiN KhuubiyaaN, zebaaiyaaN, raanaaiyaaN zaKhm dil ke phir hare karne lagiiN badliyaaN, barkhaa ruteN, purvaaiyaaN “Kaif” paida kar samandar kii tarah vus’ateN, KhaamoshiyaaN, gahraaiyaaN Kaif Bhopali
__________________
No signature...
|
|
#83
Thursday, June 05, 2008
|
||||
|
||||
|
ab ke yuN dil ko sazaa dii hamne
ab ke yuN dil ko sazaa dii hamne us kii har baat bhulaa dii hamne ek, ek phuul bahut yaad aaya shaaKh-e-gul jab vo jalaa dii hamne aaj tak jis pe vo shermaate haiN baat vo kab kii bhulaa dii hamne shah’r-e-jahaaN raaKh se aabaad huaa aag jab dil kii bujhaa dii hamne aaj phir yaad bahut aaya vo aaj phir us ko du’aa dii hamne ko’ii to baat hai us meN “Faiz” har Khushii jis pe luTaa dii hamn Faiz Ahmed Faiz
__________________
No signature...
|
|
#84
Thursday, June 05, 2008
|
||||
|
||||
|
ek hunar hai jo kar gayaa huuN maiN sab ke dil se utar gayaa huuN maiN kaise apnii haNsii ko zabt karuuN sun rahaa huuN ke ghar gayaa huuN maiN kyaa bataauuN ke mar nahiiN paataa jiite ji jab se mar gayaa huuN maiN ab hai bus apna saamnaa darpesh har kisii se guzar gayaa huuN maiN voh hii naaz-o-adaa, voh hii Ghamze sar-ba-sar aap par gayaa huuN maiN ajab ilzaam huuN zamaane kaa ke yahaaN sab ke sar gayaa huuN maiN kabhii Khud tak pahunch nahiiN paayaa jab keh vaaN umr bhar gayaa huuN maiN tum se jaanaaN milaa huuN jis din se be-tarah, Khud se dar gayaa huuN maiN kuu–e–jaanaaN meN sog barpaa hai ke achaanak, sudhar gayaa huuN maiN Jaun Elia
__________________
No signature...
|
|
#85
Tuesday, June 17, 2008
|
||||
|
||||
|
درد ہو دل میں تو دوا کیجے دل ہی جب درد ہو تو کیا کیجے ہم کو فریاد کرنی آتی ہے آپ سنتے نہیں تو کیا کیجے ان بتوں کو خدا سے کیا مطلب توبہ توبہ خدا خدا کیجے رنج اٹھانے سے بھی خوشی ہوگی پہلے دل درد آشنا کیجے عرضِ شوخی نشاطِ عالم ہے حسن کو اور خود نما کیجے دشمنی ہو چکی بہ قدرِ وفا اب حقِ دوستی ادا کیجے موت آتی نہیں کہیں غالب کب تک افسوس زیست کا کیجے
__________________
No signature...
|
|
#86
Monday, July 14, 2008
|
||||
|
||||
|
ek pal meN ek sadii kaa mazaa ham se puuchhiye do din kii zindagii kaa mazaa ham se puuchhiye bhuule haiN raftaa raftaa unheN mudattoN meN ham qistoN meN Khud-kushii kaa mazaa ham se puuchhiye aaGhaaz-e-aashiqii kaa mazaa aap jaaniye anjaam-e-aashiqii kaa mazaa ham se puuchhiye jalte diyoN meN jalte gharoN jaise zau kahaaN sarkaar raushnii kaa mazaa ham se puuchhiye vo jaan hii gaye ke hameN un se pyaar hai aaNkhoN kii muKhbarii kaa mazaa ham se puuchhiye haNsne kaa shauq ham ko bhii thaa aap kii tarah haNsiye magar haNsii kaa mazaa ham se puuchhiye ham taubaa kar ke mar gaye qabl-e-azal “Khumar” tauhiin-e-maikashii kaa mazaa ham se puuchhiye Khumar Barabankvi
__________________
No signature...
|
|
#87
Friday, July 25, 2008
|
||||
|
||||
|
shab kii bedaariyaaN nahiiN achchii itnii mai-KhvaariyaaN nahiiN achchii vo kahiiN kibriyaa na ban jaaye naaz bardaariyaaN nahiiN achchii haddiyaaN gaalne ke gur siikho sahel angRaaiyaaN nahiiN achchii kuch ravaadaariyoN kii mashq bhii kar sirf adaakaariyaaN nahiiN achchii haath se kho na baithnaa us ko itnii KhuddaariyaaN nahiiN achchii ai Ghafuurur-rahiim, sach farmaa kyaa KhataakaariyaaN nahiiN achchii Abdul Hameed Adam
__________________
No signature...
|
|
#88
Friday, July 25, 2008
|
||||
|
||||
|
us ne kahaa ke ham bhii Khariidaar ho gaye
us ne kahaa ke ham bhii Khariidaar ho gaye bikne ko saare log hii tayyaar ho gaye us ne kahaa ke aik vafaadaar chaahiye saare jahaaN ke log vafaadaar ho gaye us ne kahaa ke ko’ii gunah-gaar hai yahaaN jo paarsaa the vo bhii gunah-gaar ho gaye us ne kahaa ke aajiz-o-miskiiN hai ko’ii sab log gard-e-kuucha-o-baazaar ho gaye us ne kahaa ke kaash ko’ii jangjuu mile aapas meN yaar barsar-e-paikaar ho gaye us ne kahaa “Adeem” meraa haath thaam-na chaaroN taraf se haath namuudaar ho gaye Adeem Hashmi
__________________
No signature...
|
|
#89
Friday, July 25, 2008
|
||||
|
||||
|
kis ko qaatil maiN kahuuN kis ko masiihaa samajhuuN
kis ko qaatil maiN kahuuN kis ko masiihaa samajhuuN sab yahaaN dost hii baiThe haiN kise kyaa samajhuuN vo bhii kyaa din the ke har vah’m yaqiiN hotaa thaa ab haqiiqat nazar aaye to use kyaa samajhuuN dil jo TuuTaa to ka’ii haath du’aa ko uThThe aise maahaul meN ab kis ko paraayaa samajhuuN zulm ye hai ke hai yaktaa terii begaanaaravii lutf ye hai ke maiN ab tak tujhe apnaa samajhuuN Ahmed Nadeem Qasmi
__________________
No signature...
|
|
#90
Friday, September 19, 2008
|
||||
|
||||
aas hogii na aasaraa hogaa aane vaale dino.n me.n kyaa hogaa mai.n tujhe bhuul jaauu.Ngaa ik din vaqt sab kuchh badal chukaa hogaa naam ham ne likhaa thaa aa.Nkho.n me.n aa.nsuuo.n ne miTaa diyaa hogaa aasamaa.N bhar gayaa pari.ndo.n se pe.D ko_ii haraa giraa hogaa kitanaa dushvaar thaa safar us kaa vo sar-e-shaam so gayaa hogaa Bashir Badr
__________________
No signature...
|
 |
«
Previous Thread
|
Next Thread
»
|
|
Similar Threads
|
||||
| Thread | Thread Starter | Forum | Replies | Last Post |
| Statistics and Probability | obaidkhan | Statistics | 3 | Friday, August 23, 2013 02:51 PM |
| Mughal Land Revenue System | The Star | History of Pakistan & India | 4 | Friday, June 03, 2011 08:22 PM |
| My favourite Quotes | Nonchalant | Humorous, Inspirational and General Stuff | 1 | Thursday, June 11, 2009 09:45 AM |
| A breif history about Museum | Muhammad Adnan | General Knowledge, Quizzes, IQ Tests | 4 | Friday, February 16, 2007 05:01 PM |
| My favourite collection | sibgakhan | Urdu Poetry | 15 | Thursday, April 13, 2006 08:15 AM |
