#1
|
||||
|
||||
Woh thak chukaa hai
ye merii ghazalein, ye merii nazmein, tamaam terii hikaayatein hain
ye tazkere tere lutf ke hain, ye sher terii shikaayatein hain main sab terii nazr kar rahaa huun, ye un zamaanoon kii sa'atein hain jo zindagii ke naye safar mein, tujhe kisii roz yaad aayein toh ek ek harf jii uthegaa, pehan ke anfaas kii qabaayein udaas tanahaaiiyoon ke lamhoon mein naach utheingii ye apsaraayein mujhe terii dard ke alaavaa bhii aur dukh thay, ye jaantaa huun hazaar gham thay jo zindagii kii talaash mein thay, ye jaantaa huun mujhe khabar hai ki tere aanchal mein dard kii rait chhaanataa huun magar har ek baar tujh ko chhuu kar ye rait rang-e-hinaa banii hai ye zakhm gulzaar ban gaye hain, ye aahen-sozaan ghataa banii hai ye dard mauj-e-sabaa huaa hai, ye aag dil kii sadaa banii hai aur ab ye saarii mataa-e-hastii, ye phool, ye zakhm, sab tere hain ye dukh ke nauhe, ye sukh ke naghme jo kal mere thay, woh ab tere hain jo terii qurbat terii judaaii mein katt gaye roz-o-shab, tere hain woh teraa shaayar, teraa mughannii, woh jis kii baatein ajiib sii thiin woh jis ke andaaz khusro-vaanaa thay, aur adaayein ghariib sii thiin woh jis ke jiine kii khwaahishein bhii khud us ke apne nasiib sii thiin na puuchh us kaa ke woh diivaanaa, bahut dinoon kaa ujarrh chukaa hai woh kohakan to nahiin thaa lekin karrhii chattaanoon se larrh chukaa hai woh thak chukaa hai, aur us kaa teshaa usii ke siine mein garrh chukaa hai |
|
|
Similar Threads | ||||
Thread | Thread Starter | Forum | Replies | Last Post |
My Favourite collection | Predator | Urdu Poetry | 171 | Wednesday, March 13, 2013 12:34 PM |
Poetry of Ahmad Faraz | Wounded Healer | Urdu Poetry | 50 | Tuesday, January 25, 2011 12:04 AM |
Mirza Galib | Sureshlasi | Urdu Poetry | 20 | Saturday, September 12, 2009 10:23 PM |