#1
|
||||
|
||||
Ahmed Faraz
Kal shab tha ajab deed ka manzar mere agay
Duniya thi na hone ke barabar mere agay Os waqt na thi aankh japakne ki bhi fursat Ik sheher-e-tilismaat tha yuksar mere agay Os waqt na thi dil ko dharakne ka bhi yara Ik aalam-e-hairat tha sarasar mere agay Laye koi meena-e-mae tund lapak kar Rakh de koi tazeem se saghar mere agay Chup chup ke koi chust kare tang kaba ko Hans hans ke utare koi zaiver mere agay Ik mast ada kaakil-e-meshkeen ko bikhaire Le aaye daf-o-chung utha kar mere agay Jaise ho mere saamne shiddaat ki jannat Jaise ho sanam khana-e-aazar mere agay Jaise koi gul chehra pari cham se utar aaye Aur raqs kare naz se aa kar mere agay Shola sa badan, zulf ki makhmal mein lapaite Jaise ho koi khwab sa paikar mere agay Yun jaise ke jaado sa jagata chala jaye Ik aafat-e-jaan, fitna-e-mehshar mere agay Yaqut sa lab, saru sa qad, raat si aankhein Woh jaan-e-qiyamat thi mere ghar mere agay Aye gardish-e-doraan zara aahista qadam rakh Ye saat-e-guzraan hai garrhi bhar mere agay Aye mausam-e-hijraan abhi kuch dai tawaqaf Aana hai toh aa jana thahar kar mere agay Aasudgi-e-qurb ki aaza shikni se Hai need mein ghafil mera dilbar mere agay Aye subah-e-judai abhi ruk ja ke sitamgar Aise bhi na jaage thay muqaddar mere agay Shayad FARAZ aaj kisi roop nagar se Ayi hai qaza bhais badal kar mere agay |
#2
|
||||
|
||||
Hain zakham aur bhi dil par mere agay
Koi na kahe os ko sitamgar, mere agay Aafat zamane ke taaqub mein mere hain Aur mae hai, na meena hai, na saghar, mere agay Kyoon bigrroon farishtoon ke likhe par ke yeh hi khel Hota raha duniya mein bhi aksar, mere agay Sayyaad ne pehle toh rehaai ki khabar di Phir daal diye os ne mere par, mere agay Gumrah-e-zamana hoon magar rah-e-wafa mein Pooche na khizar ko bhi sikandar, mere agay Woh sahib-e-dil hoon ke meri jaan ka dushman Taazeem se rakh deta hai khanjar, mere agay Kis ism ki barkat hai ke aewaan-e-sukhan mein Khulta hi chala jaata hai har dar, mere agay
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#3
|
||||
|
||||
KISI BEWAFA KI YAAD MEIN YE JANOON FARAZ KAB TALAK
jo tumhein bula chuka he ussey tum bhi bhool jao ye judaaiyon k raaste bari door tak gaey hein jo gatya wo phir naa aaya meri baat maan jao
__________________
Long, long afterward, in an oak I found the arrow, still unbroke; And the song, from beginning to end, I found again in the heart of a friend |
#4
|
||||
|
||||
dost ban kar bhii nahiin saath nibhaane vaalaa
dost ban kar bhii nahiin saath nibhaane vaalaa vahii andaaz hai zaalim kaa, zamaane vaalaa ab ise log samajhate hain giraftaar meraa sakht nadim hai mujhe daam mein laane vaalaa kyaa kahein kitane maraasim thay hamaare is se vo jo ik shakhs hai muunh pher ke jaane vaalaa tere hote hue aa jaatii thii saarii duniyaa aaj tanhaa huun to koii nahiin aane vaalaa muntazir kis kaa huun tuutii huii dehaliiz pe mein kaun aayegaa yahaan, kaun hai aane vaalaa mein ne dekhaa hai bahaaroon mein chaman ko jalate hai koii khvaab kii taabiir bataane vaalaa kyaa khabar thii jo merii jaan mein guhlaa hai itnaa hai vahii mujh ko sar-e-daar bhii laane vaalaa tum taqalluf ko bhii ikhalaas samajhate ho 'Faraz' dost hotaa nahiin har haath milaane vaalaa
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#5
|
||||
|
||||
badan mein aag sii cheharaa gulaab jaisaaa hai
badan mein aag sii, cheharaa gulaab jaisaaa hai ke zahar-e-gham kaa nashaa bhii sharaab jaisaa hai kahaan woh qurb ke ab to ye haal hai jaise tere firaaq kaa aalam bhii khvaab jaisaa hai magar kabhii koii dekhe koii parrhe to sahii dil aaiinaa hai to cheharaa kitaab jaisaa hai woh saamne hai magar tishnagii nahiin jaatii ye kyaa sitam hai ke dariyaa saraab jaisaa hai 'Faraz' sang-e-malaamat se zakhm, zakhm sahii hamein aziiz hai, khaanaa kharaab jaisaa hai
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#6
|
||||
|
||||
Pehle Pehle
Saaqiyaa, ik nazar jaam se pehle pehle hum ko jaanaa hai kahiin, shaam se pehle pehle Khush huaa ai dil ke muhabbat toh nibhaa dii tuune log ujarrh jaate hain, anjaam se pehle pehle ab tere zikr pe hum baat badal dete hain kitnii raghbat thii tere naam se pehle pehle saamne umr parrhii hai shab-e-tanhaaii kii woh mujhe chhorrh gayaa shaam se pehle pehle
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#7
|
||||
|
||||
ye kyaa ke sab se bayaan dil kii haalatein karnii
ye kyaa ke sab se bayaan dil kii haalatein karanii 'Faraz' tujh ko na aaiien muhabbatein karnii ye qurb kyaa hai ke tuu saamane hai aur hamein shumaar abhii se judaaii kii sa'atein karnii koii khudaa ho, ke patthar, jise bhii hum chaahein tamaam umr usii kii ibaadatein karnii sab apane apane qariine se muntazir us ke kisii ko shukr, kisii ko shikaayatein karnii hum apane dil se hain majbuur aur logon ko zaraa sii baat pe barpaa qayaamatein karnii milein jab un se to mubaham sii guftaguu karnaa phir apane aap se sau-sau vazaahatein karnii ye log kaise magar dushmanii nibhaatein hain humiin ko raas na aaiien muhabbatein karnii kabhii 'Faraz' naye mausamoon mein rou denaa kabhii talaash puraanii raqaabatein karnii
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#8
|
||||
|
||||
zulf raaton ki c rungut hey ujalon jaisi
per tabiat hey wohi bhholnay walon jaisi uski baatein b dil aweiz hein uski soorat ki tarah meri sochein b pareshaan meray baalon jaisi us ki aankhon ko kabie ghaur sey dekha hey faraz ronay walon ki tarah jaagnay walon jaisi |
#9
|
||||
|
||||
hansii khushii se bicharrh jaa, agar bicharrhnaa hai
ye har maqaam pe kyaa sochtaa hai aakhir tuu 'Faraz' tuune use mushkiloon mein daal diyaa zamaanaa saahib-e-zar aur sirf shaayar tuu
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#10
|
||||
|
||||
jis simt bhii dekhuun, nazar aataa hai ke tum ho
jis simt bhii dekhuun, nazar aataa hai ke tum ho ai jaan-e-jahaah, ye koii tum saa hai ke tum ho ye khwaab hai khushbuu hai ke jhaunkaa hai ke pal hai ye dhundh hai, baadal hai ke saayaa hai ke tum ho is diid kii sa_aat mein kaii rang hain larazaan main huun ke koii aur hai, duniyaa hai ke tum ho dekho ye kisii aur kii aankhein hain ke merii dekhuun ye kisii aur kaa cheharaa hai, ke tum ho ye umr-e-gurezaan kahiin thehre to ye jaanuun har saans mein mujh ko ye lagtaa hai ke tum ho har bazm mein mauzuu-e-sukhan dil zadgaan kaa ab kaun hai, shiiriin hai ke lailaa hai ke tum ho ik dard kaa phailaa huaa saharaa hai ke main huun ik mauj mein aayaa huaa dariya hai ke tum ho woh waqt na aaye ke dil-e-zaar bhii soche is shahar mein tanhaa koii hum saa hai ke tum ho aabaad hum aashuftaa saroon se nahiin maqtal ye rasm abhii shahar mein zindaa hai ke tum ho ai jaan-e-'Faraz' itnii bhii taufiiq kise thii hum ko gham-e-hastii bhii gawaaraa hai ke tum ho
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
|
|
Similar Threads | ||||
Thread | Thread Starter | Forum | Replies | Last Post |
English Poetry | DANISH_KHAN | English Poetry | 2 | Sunday, October 13, 2019 02:26 PM |
History of English literature | Naseer Ahmed Chandio | English Literature | 18 | Saturday, October 20, 2012 03:03 PM |
Frequently Asked Questions (FAQ) on Ahmedis (Qadianis) | saadat110 | Islam | 1 | Wednesday, April 23, 2008 01:43 AM |
250 Signs Of The End Times... | Chilli | Islam | 0 | Thursday, May 04, 2006 09:36 PM |