#1
|
||||
|
||||
Hasan Kooza Gar
Hasan Koozah-gar ---- I JahaaN-zaad! Neeche gali mein Tere dar k aage Ye main sokhta-sar Hasan koozah-gar huN Tujhe subho bazaar mein BooRhe attaar Yusuf ki dukkaan par Main ne dekha To teri nigaahoN mein Wo taab-naaki thi Main jiski hasrat mein Nau saal deewaana phirta raha JahaaN-zaad! Nau saal deewaana phirta raha Ye wo daur tha Jis mein main ne kabhi Apne ranjoor koozoN ki jaanib palaT kar na dekha Wo kooze Mere dast-e-chaabuk k putle Gil o rang o raughan ki makhlooq-e-be-jaaN Wo sar-goshiyoN mein ye kehte, Hasan kooza-gar ab kahaN hai Wo ham se Khud apne amal se Khudaawand ban kar KhudaaoN ki maanind hai roo-e-gardaaN JanaaN-zaad! Nau saal ka daur YooN mujh pe guzra K jaise kisi shehr-e-madfoon par waqt guzre TaghaaroN mein mitti Kabhi jis ki khushbu se waarafta hota tha main Sang-basta paRi thi Suraahi o meena o jaam o subu Aur faanoos o guldaaN Meri heich-maaya maeeshat k izhaar-e-fan k sahaare Shikasta paRe they Main khud Main Hasan koozah-gar Pa-ba-gil Khaak-sar, bar-barehna Sar-e-chaak Zoleeda-mu Sar-ba-zaanu Kisi gham-zada deivta ki tarha Vaahime k gil o la se KhwaaboN k sayyaal kooze banaata raha JahaaN-zaad! Nau saal pehle tu nadaaN thi lekin Tujhe ye khabar thi K main ne Hasan koozah-gar ne Teri qaaf ki c Ufaq-taab aankhoN mein Dekhi hai wo taab-naaki K jis se mere jism o jaaN Abr o mehtaab ka rah-guzar ban gaye they JahaaN-zaad! Baghdaad ki khwaab-gooN raat Rood-e-Dajla ka saahil Wo kashti Wo mallaah ki band aankhein Kisi khasta-jaaN, Ranj-war koozah-gar k liye Eik hi raat Wo koh-ruba thi K jis se abhi tak hai paivast uska wujood Uska paikar Magar eik hi raat ka zauq Darya ki wo lehr nikla Hasan kooza-gar jis mein dooba To ubhra nahi hai JahaaN-zaad! Is daur mein roz Har roz Wo sokhta-bakht Aa kar mujhe dekhti Chaak par Pa-ba-gil, Sar-ba-zaanu To shaanoN se mujhko hilaati Wo shaanoN se mujhko hilaati, Hasan koozah-gar! Hosh mein aa Hasan! Apne veeraan ghar par nazar kar! Ye bachoN k tannoor kiyun-kar bharein ge! Hasan! Aai mohabbat k maare! Mohabbat ameeroN ki baazi! Hasan! Apne deewaar o dar par nazar kar! Mere kaan mein ye nawaa-e-hazeeN YuN thi jaise kisi Doobte shakhs ko Zeir-e-girdaab koi pukaare Wo ashkoN k ambaar PhooloN k ambaar they HaaN magar Main, Hasan koozah-gar Shehr-e-auhaam k Un kharaaboN ka mjzoob tha jin mein Koi sada Koi jumbish Kisi margh-e-parraaN ka saaya Kisi zindagi ka nishaaN tak nahi tha JahaaN-zaad! Main aaj teri gali mein YahaaN raat ki sard-gooN teergi mein Tere dar k aage KhaRa huN Sar o mu pareshaaN Dareeche se wo Qaaf ki c talismi nigaahein mujhe Aaj phir jhaankti hain Zamaana JahaaN-zaad! wo chaak hai Jis mein meena o jaam o subu Aur faanoos o guldaaN k maanind bante bigaRte hain insaaN Main insaaN huN lekin Ye nau saal jo gham k qaalib mein guzre Hasan koozah-gar, Aaj ik toda-e-khaak hai Jis mein nam ka asar tak nahi hai JahaaN-zaad! Baazaar mein subh Attaar Yusuf ki dukkaan par Teri aankhein Phir ik baar kuch keh gaee hain Un aankhoN ki taabinda shokhi se uTThi hai Phir toda-e-khaak mein nam ki halki c larzish Tamanna ki wus'at ki kis ko khabar hai! JahaaN-zaad! Lekin tu chaahe to ban jaauN Main phir wohi kooza-gar Jis k kooze They har kaakh o ku Aur har shehr o qarya ki naazish They jin se ameer o gada k masaakin DarakhshaaN Tamanna ki wus'at ki kis ko khabar hai! JahaaN-zaad! Lekin tu chaahe to main phir PalaT jaauN Un apne mehjoor koozoN ki jaanib Gil o la k sookhe taghaaroN ki jaanib Maeeshat k izhaar-e-fan k sahaaroN ki jaanib K main us gil o la se Us rang o raughan se Phir wo sharaare nikaaluN K jin se diloN k kharaabe hoN raushan. Noon Meem Rashid -------------------------------------------------------------------------------- |
The Following User Says Thank You to Second Coming For This Useful Post: | ||
MuhammadYounas (Wednesday, December 24, 2014) |
#2
|
||||
|
||||
The poem is a long one but considering the fact that this masterpiece has a wonderful aesthetic experience to offer, it's worth reading.
__________________
Are we human because we look at the stars, or do we look at the stars because we are human? Pointless really. Do the stars look back at us? Now that is a question! |
|
|
Similar Threads | ||||
Thread | Thread Starter | Forum | Replies | Last Post |
Chronological order of major events in Islamic History | Babban Miyan Ding Dong | Islamiat | 1 | Monday, May 28, 2012 10:59 PM |
Dr. Hasan Askari Rizvi's articles | shallowwater | News & Articles | 42 | Saturday, December 18, 2010 05:13 PM |
History of Islam (Year by Year) | Shabab368 | Topics and Notes | 2 | Tuesday, October 06, 2009 12:34 PM |
Hasan logs in! | Hu$nI | Introduction | 6 | Sunday, September 10, 2006 01:23 AM |