عشق کا عین

Astute Accountant · #1 Wednesday, May 23, 2012

ایک اور موقع پر الہی بخش نے کہا ، ابا تم عشق کی بات بُہت کرتے ہو ، کہتے ہو زندگی کا مقصد عشق ہونا چاہیے ، عشق اللہ اور اُس کے رسُول اکرم صلی اللہ علیہ وسلم سے
یہ تو بتائو یہ عشق کیا چیز ہے ، مشکل ہے کہ آسان مجھے محبت بڑی آسان لگتی ہے ۔ کرنے کی ضرورت ہی نہیں پڑتی ، ہو جاتی ہے تو جاتی ہے نہیں ہوتی تو نہیں ہوتی ، مگر اتنا بڑا مسلہ تو نہیں لگتا جتنا تم بتاتے ہو
باپ کے چہرے پر نرمی ہی نرمی بکھر گئی آنکھوں میں جیسے گہری سوچ اُتر آئی.
یں تو جاہل آدمی ہُوں بیٹے ۔آپ ہی آپ یہ باتیں سمجھنے کی کوشش کرتا رہتا ہُوں ، اس کو پڑھنے کے لیے کتابیں پڑھنے کی بھی ضرورت نہیں ہو تی ۔ یہ عشق تو آدمی کے اندر ہوتا ہے نا بس اس کے لیے خود کو سمجھنے اور تبدیل کرتے رہنا ہوتا ہے
وہ کہتے کہتے رُکا اور بظاہر سامنے والی دیوار پر کچھ دیکھنے لگا ، لیکن لگتا تھا کہ وہ بُہت دُور دیکھ رہا ہے
عشق تو بیٹے آسان ہے بُہت ہی آسان یہ تو ہو جاتا ہے پر عشق کرتے رہنا کئے جانا بُہت مشکل ہے عشق کے تقاضے پُورے کرنا بالکل آسان نہیں ، اس کے لیے تو اپنا آپ مارنا پرتا ہے
الہی بخش نے پُوچھا کہ ابا عشق کیسے ہو سکتا ہے اُس سے جس کو دیکھا نہ ہو ؟
اپنے وجود پر غور کرنا شروع کر ، پیدا ہُوا تو کیڑے جیسا تھا ، اپنے لیے کچھ بھی نہیں کر سکتا تھا ، نہ اپنی حفاظت نہ زندگی کا اہتمام ، رب نے تیری حفاطت کی ، تُجھے پالا ، دو ہاتھ دیے ، دوٹانگیں دی ، کام کرتی ہُوئی دو آنکھیں*دیں ، بینائی دی ، عقل دی ، تجھے ایک مکمل انسان بنایا ، کوئی کمی کوئی محرومی تیرے لیے نہیں چھوڑی ، سب سے بڑھ کر تُجھے ایک مُسلمان کے گھر میں*پیدا کیا ، تاکہ تجھے حق کی تلاش میں نہ بھٹکنا پڑے ، یہ سب احسان تجھ پر کیے ، اس نے جو بے نیاز ہے ، جس کو کسی سے غرض نہیں ، اسے کسی سے کچھ نہیں چاہیے ، اور اتنے احسانوں کے بعد اس نے بھلائی کا راستہ دکھا کر تُجھ پر احسان کیا ، اب اس کہ جواب میں تُو کیا کرے گا
علیم الحق --- عشق کا عین

Similar Threads
Thread	Thread Starter	Forum	Replies	Last Post
Ahmad Shah Patras Bukhari(PMS)	Farrah Zafar	Urdu Literature	15	Saturday, November 18, 2017 06:35 PM
tareekh-e-Urdu Zaban-o-Adab	siddiqui88	Urdu Literature	21	Thursday, September 26, 2013 02:52 PM
Urdu Essay For PMS	Amna	PCS / PMS	8	Sunday, May 06, 2012 06:28 PM
عجوہ کھجور کی فضیلت	Shooting Star	Islam	0	Tuesday, May 24, 2011 02:08 AM

The Following 9 Users Say Thank You to Astute Accountant For This Useful Post:
Ainee zulfiqar (Thursday, May 24, 2012), Argus (Wednesday, May 23, 2012), Faisal86 (Wednesday, May 23, 2012), Farrah Zafar (Wednesday, May 23, 2012), Hamidullah Gul (Wednesday, May 23, 2012), hassancheema36 (Saturday, May 26, 2012), Mehria (Friday, May 25, 2012), Shooting Star (Wednesday, May 23, 2012), very special 1 (Friday, May 25, 2012)