aaj u mauj dar mauj gam tham gaya,

[arsa]

aaj u mauj dar mauj gam tham gaya,
is tarah gam zadon ko quraar aa gaya,
jaise khushboo me zulfein bahaar aa gayee,
jaise paighaam'e'deedaar'e'yaar aa gaya....

rut badalne lagi rang'e'dil dekhna,
rang'e'gulshan se kuch haal khulta nahi,
zakhm chalke koi ya koi gul khila,
ashq umdhe ke abr'e'bahaar aa gaya....

khoon'e'ushaaq se jaam bharne lage,
dil sulagne lage daag jalne lage,
mehefil'e'dard phir rang par aa gayee,
phir shab'e'aarzoo par nikhaar aa gaya....

'faiz' kya jaaniye yaar kis aas par,
muntazir hai ke layega koi khabar,
maikashon par hua mohotasib meherbaan,
dil figaaron pe quaatil ko pyar aa gaya....

[AbdulHai]

Aaj youn jauq dar jauq gham thum gaya - is tarah gham zadoun ko qarar aa gaya
Jaisey Khushbu-e-zulf-e-bahaar aa gayee - Jaisey paigham-e-deedar-e-yaar aa gaya

Jis ki deed-o-talab wehm sumjhey thay hum - ru baroo phir sar-e-rehguzaar aa gaya
Subhe-farda ko phir dil tarasnein laga - umre rafta tera eitebaar aa gaya

Rut badalnein lagi rang-e-dil daikhna - range-gulshan se ub haal khulta nehin
Zakhm chalka koi ya koi gul khila - ashk umde ke abr-e-bahaar aa gaya

Khun-e-ushaaq sey jaam bharnein lagey - daag jalnein lagey dil sulagnein lagey
Mehfil-e-dard phir rang par a gayee - phir shab-e-arzoo pur nikhar aa gaya

Sar faroshi ke andaaz badle gayey - dawat-e-qatl par muqtal-e-shehr mein
Dal kar koi gardan mein tauq aa gaya - laad kar koi kandhey pey daar aa gaya

Faiz kiya janeyay, yaar kis aas par - muntazir hein kay layey ga koi khabar
Mea kashoun pey hua muhtasib mehrabaan - dil figaroun pey qatil ko pyar aa gaya