#31
|
|||
|
|||
sab log liye sang-e-malaamat nikal aaye
sab log liye sang-e-malaamat nikal aaye kis shahar me.n ham ahal-e-muhabbat nikal aaye ab dil kii tamannaa hai to ai kaash yahii ho aa.Nsuu kii jagah aa.Nkh se hasarat nikal aaye har ghar kaa diyaa gul na karo tum ke na jaane kis baam se Khurashiid-e-qayaamat nikal aaye jo dar_paa-e-pindaar hai.n un qatl_gaho.n se jaa.N deke bhii samajho ke salaamat nikal aaye ai ham_nafaso.n kuchh to kaho ahad-e-sitam kii ik harf se mumkin hai hikaayat nikal aaye yaaro mujhe masaluub karo tum ke mere baad shaayad ke tumhaaraa qad-o-qaamat nikal aaye |
#32
|
||||
|
||||
awal awal ki dosti hai abhi
aik ghazal hai k ho rahi hai abhi main bhi shehr-e-wafa mai nowarid woh bhi ruk ruk k chal rahi hai abhi main bhi aisa kahan ka zod-o-shanas woh bhi lagta hai sochti hai abhi dil ki waruftagi hai apni jaga phir bhi kuch ehtiyat si hai abhi gar-chey pehla sa ijtinaab nahi phir bhi kam kam supurdigi hai abhi kaisa mausam hai kuch nahi khilta banda bandi bhi dhoop bhi hai abhi khud kalami main kab yeh nasha tha jis tarha roobaru koi hai abhi qurbatien lakh khubsorat hoon dooriyon main bhi dilkashi hai abhi fasl-e-gul main bahar pehla gulab kis ki zulfon main tankti hai abhi raat kis mahwish ki chahat main shabistan sajaa rahi hai abhi main bhi kisi wadiye khayal main tha baraf si dil pe gir rahi hai abhi main to samjha tha bhar chuke sab hi zakhm daagh shayad koi koi hai abhi duur daiso se kale kosoon se koi awaz aa rahi hai abhi zindagi ku-e-namuradi hai kis ko murr murr ke dekhti hai abhi is qadar khich gai hai jaan ke kama aisa lagta hai totti hai abhi aisa lagta hai khilwat-e-jaan main woh jo aik shaks tha wohi hai abhi muddate ho gai Faraz magar....? woh jo deewangi thi ke hai abhi
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#33
|
||||
|
||||
Main kitni wariftigi se usay suna raha tha
woh sari baatain, woh saray qissay jo us se milnay se paishtar meri zindagi ki hikayatain thein main keh raha tha kay aur bhi log thay jinhain meri aarzo thi, meri talab thi kay jin se mohabbaton ka raha ta'aluq kay jin ki mujh per inayatain thein main keh raha tha kay un main kuch ko toh main ne jaan se aziz janaa magar unhein main se baaz ko meri be-dilli se shikayatain thein main aik ek baat aik ek jurm ki kahani dharaktay dil kaanptay badan se suna raha tha magar woh pathar bani mujhay is tarah sunti rahi kay jaisay meray laboon per kisi muqaddas tareen,saheefay ki aayatain thein......
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#34
|
|||
|
|||
A new good poem of Faraz
Itnay bhi to woh khafa nahin thay
jaisey kabhi ashna nahin thay mana keh bahm kahan thay aisey per yoon bhi juda juda nahin thay thee jitni bisaat, kee parastish tum bhi to koi Khuda nahin thay Hud hoti hai tanz ki bhi akhir hum terey nahin thay, jaa nahin thay kis kis say nibahtay rifaqat hum log keh bewafa nahin thay rukhsat hua woh to main nay dekha phool itnay bhi khoos numa nahin thay thay yoon to hum us ki anjuman main koi hamen dekhta, nahin thay jab usko tha maan khood peh kiya kiya tab hum bhi Faraz kiya nahin thay |
#35
|
||||
|
||||
gaye dinon mein muhabbat mizaaj os ka tha...
magar kuchh aur hii andaaz aaj os ka tha... woh shehar-e-yaar jab aqleem hurf mein aaya... toh mere dast-e-nagar takht-o-taaj os ka tha... mein kiya bataoon ke kion os ne bewafayi ki... magar yehi ke kuchh aisa mizaaj os ka tha... humein bhi dukh hai dil-e-zinda dil ke marne ka... kisi ke paas magar kab ilaaj os ka tha......
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
The Following User Says Thank You to Wounded Healer For This Useful Post: | ||
Sureshlasi (Tuesday, November 06, 2007) |
#36
|
||||
|
||||
Dr. Sahab, Glad to see you back. Keep enriching our forum with such treasures.
App aa gaye hoo Nuur aa gaya hai Take care,
__________________
ஜ иστнιπg ιš ιмթΘรรιвlε тσ α ωιℓℓιиg нєαят ஜ |
#37
|
||||
|
||||
phir usi raahguzar par shayad
ham kabhi mil sakein magar shayad jaan pahchaan se kyaa hogaa phir bhi ay dost Gaur kar shaayad muntazir jinke ham rahe unko mil gaye aur ham'safar shaayad jo bhi bichrhe hain kab mile hain 'Faraz' phir bhi tu intazaar kar shayad
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#38
|
||||
|
||||
Dil munaafiq tha shab-e-hijar main soya kaisa
Aur jab tuj say mila toot kay roya kaisa Zindaghy maiN bhi ghazal hi ka kareena rakha Khawab dar khawab teray gham ko paroya kaisa Ab toH chehruN pay bhi katbuH ka ghumaaN hota hai AankhaiN pathraey hoi haiN lab-e-goya kaisa Dekh ab qurb ka mousam bhi na sar sabz laghay Hijar hi hijar marasim main samoya kaisa Aik aansoo tha kay dariya-e-nidamat tha FARAZ Dil say baibaak shanawar ko daboya kaisa
__________________
********************************* The only verdict is vengeance; a vendetta, held as a votive, not in vain, for the value and veracity of such shall one day vindicate the vigilant and the virtuous. ********************************* |
#39
|
|||
|
|||
Is qadar musalsal thi shiddathay judai ki
Aaj main ne pehli baar us se bewafai ki ***************************** Nigah-e-yaar ka kya hai huyee huyee na huyee Ye dil ka dard hai pyaray gaya gaya na gaya ********************************** Ab tera zikar hi shayed ke ghazal me aaye Aur se aur huye dard ke unwaan janaan ****************************** Lab-o-dahan bhi mila,guftogoo ka fann bhi mila Magar jo dil pe guzartee hai keh sakun bhi nahin ************************************ Tujh ko ye dukh ke meri chara garee kese ho Mujh ko ye gham ke mere zakhm na bhar jaye kaheen **************************************** Janay walon ko na roko ke bharam reh jaye Tum pukaro bhi to kab us ko tehar jana hai ***************************** these were some of my most fav shairs of Ahmad Faraz .......... @Wounded healer Good work babar bhai!!
__________________
__________________________________ nahin nigah main manzil to justaju hi sahi nahin wisaal mayassar to arzu hi sahi |
#40
|
|||
|
|||
Wehshatein Barrhti Gaien Hijr K Aazaar K Saath
Ab To Hum Baat Bhe Kartay Nahi Gham-khwar K Saath Hum Ne Ik Umr Basar Ki Hai Gham E Yaar K Saath Meer Do Din Na Jiye Hijr K Aazaar K Saath Ab To Hum Ghar Se Nikaltay Hein To Rakh Detay Hein Taaq Per Izzat E Sadaat Bhe Dastaar K Saath Is Qadar Khouf Hai Ab Shehar Ki Galyon Mein K Log Chaap Suntay Hein To Lag Jaatay Hein Deewar K Saath Ek To Khwab Liye Phirtay Ho Galyon Galyon Us Pe Takraar Bhe Kartay Ho Khareedar K Saath Shehar Ka Shehar He Naseh Ho To Kya Kijiye Ga Warna Hum Rind To Bhirr Jatay Hein Do Chaar K Saath Hum Ko Is Shehar Mein Ta'meer Ka Soda Hai Jahan Log Me'maar Ko Chun Detay Hein Deewar K Saath Jo Sharaf Humko Mila Koocha E Janaa'n Se Faraz Soo'ey Maqtal Bhe Gaey Hein Isi Pindaar K Saath |
Thread Tools | Search this Thread |
|
|
Similar Threads | ||||
Thread | Thread Starter | Forum | Replies | Last Post |
English Poetry | DANISH_KHAN | English Poetry | 2 | Sunday, October 13, 2019 02:26 PM |
History of English literature | Naseer Ahmed Chandio | English Literature | 18 | Saturday, October 20, 2012 03:03 PM |
Frequently Asked Questions (FAQ) on Ahmedis (Qadianis) | saadat110 | Islam | 1 | Wednesday, April 23, 2008 01:43 AM |
250 Signs Of The End Times... | Chilli | Islam | 0 | Thursday, May 04, 2006 09:36 PM |